اطريقة عمل شوربة السى فود :-
لمكونات
- قطعتين او ثلاثة صغير (5×5سم تقريبا) لحم سمك فيليه ومقطعة قطع صغيرة.
- كابوريا صغيرة أو استاكوزا او الاثنين معا, نفتح ونشيل الغطاء ونقسم الجسم نصين ،
نشيل الخياشيم .
- جمبرى مقشر
- سبيط مقطعة مربعات
- معلقتين اكل بصل مفري
- مقدار كبشة يد كرفس اخضر مقطع صغير
( الكرفس ده طويل وعريض زي الكرات او البصل الاخضر تقريبا )
- ملح
شطة
معلقتين زيت .
نحمر البصل بالزيت ونحط عليه نص مقدار الكرفس
لما يدبل شويه وقبل ما يصفر نحط السبيط
وعليها الماء والملح والكمون والشطة
ونخليها تغلي شوي
قبل مانضيف بقيت المكونات علشان بتاخد وقت اكتر من باقي المكونات.
بعد 10 دقايق تقريبا نحط بقيت المكونات ونزود الماء لغاية ما يغطيهاوطبعا كل ماكان الماء كميته تقل الشوربة تكون مركزة اكتر .
وخليهم يغلوا لغاية مايستووا
ومش هتاخد وقت يعنى في خلال نص ساعة تقريبا
ملاحظة هامة جدا جدا
اي مأكولات بحرية تحبي تطبيخيها لازم تكون مكشوفه علشان ريحة الزفارة
تروح منها . يعنى الشوربة اما تبقى مكشوفة او تغطيها بغطاء مايل شوي
ثم تغرف فى الطبق وممكن نضع فوق الخليط بقدونس مقطع
وبالهنا والشفاء...........